ವಿಭೂತಿಯನ್ನು ಧರಿಸಿದ ಕೆಂಬಣ್ಣದ ಹವಳ ಪರ್ವತದಂತಿರುವವನೆ!
ಶಾಶ್ವತವಾದ ಹಣೆಗಣ್ಣನ್ನುಳ್ಳ ಅಗ್ನಿಯ ವರ್ಣದವನೆ ! ಹಲವಾರು
ಬಗೆಯ ಲೌಕಿಕ ಸುಖಾನಂದ ರೂಪನೆ ! ಮುಕ್ತಿಯಾನಂದವ ನೀಡುವ
ಪ್ರವಾಹರೂಪಿಯೆ! ಮೇರು ಪರ್ವತವನ್ನೇ ಬಿಲ್ಲನ್ನಾಗಿ ಬಾಗಿಸಿದ ವೀರನೆ!
ಗಂಗೆಯನ್ನು ಧರಿಸಿದ ಜಟಾಧಾರಿಯೇ ನಮ್ಮನ್ನೆಲ್ಲ ಚಕಿತಗೊಳಿಸುವಂತೆ
ನಾಟ್ಯವಾಡುವವನೆ! ಸುಂದರವಾದ ಪೊನ್ನಂಬಲದ ರಾಜನೆ!
ಬಸವನ ಚಿತ್ರವನ್ನು ಹೊಂದಿರುವ ಧ್ವಜವನ್ನು ಉನ್ನತೀಕರಿಸಿದವನೆ!
ನಮ್ಮನ್ನಾಳುವವನೆ! ನಿನ್ನನ್ನು ಕಿಂಕರನಾದ, ನಾನು ನಿನ್ನೊಡನೆ
ಸೇರುವಂತೆ ನಿನ್ನ ಪವಿತ್ರಾತ್ಮದಿಂದ ಕರುಣೆ ತೋರು.
ಕನ್ನಡಾನುವಾದ : ಕೆ. ಮಲರ್ ವಿಳಿ, 2010