ದಕ್ಷನ ಶ್ರೇಷ್ಠ ಮನುಷ್ಯ ಶಿರವೂ, ಯಜ್ಞ ಒಡೆಯನ ಶ್ರೇಷ್ಠ ಶಿರವೂ,
ತಾವರೆಯ ಹೂವಿನಲ್ಲಿರುವ ನಾಲ್ಕು ವದನದವನಾದ ಬ್ರಹ್ಮನ
ಐದನೇ ಶಿರವೂ, ಒಟ್ಟಾಗಿ ಸೇರಿ ತುಂಡಾಗಿ ಉರುಳುವಂತೆ, ಕಾಂತಿಯನ್ನು
ಹೊಂದಿದ ಸುಂದರವಾದ ಹುಬ್ಬಿನ ಕೆಂಗಣ್ಣಿನವನಾಗಿ ಲಯದ
ವೃತ್ತಿಯಲ್ಲಿರುವವನೆ ! ಶಂಖಮಣಿಗಳಿಂದಲಂಕೃತವಾದ ಹುಲಿದೊಗಲನ್ನು
ವಸ್ತ್ರವನ್ನಾಗಿ ಧರಿಸಿ ಆ ಮಣಿಗಳು ಹಾಗೂ ತೊಗಲ ವಸ್ತ್ರ
ಹಲವಂದದಿ ಅಲುಗಾಡುವಂತೆ ಪೊನ್ನಂಬಲದಲ್ಲಿ ನಾಟ್ಯವನ್ನು
ಪ್ರದರ್ಶಿಸುವ ಸುಂದರನೆ...! ಎಂತಹ ತಪಸ್ಸಿನ ಬಲವುಳ್ಳವರೂ
ಸ್ವಪ್ರಯತ್ನದ ಮೂಲಕ ಸಮೀಪಿಸದಂತೆ ಇರುವ ನಿನ್ನನ್ನು
ನಿನ್ನ ಕಿಂಕರನಾದ ನಾನು ಅನುಸರಿಸುವಂತೆ ನಿನ್ನ
ಪವಿತ್ರವಾದ ಮನಸ್ಸಿನಿಂದ ಕೃಪೆದೋರುವವನಾಗು.
ಕನ್ನಡಾನುವಾದ : ಕೆ. ಮಲರ್ ವಿಳಿ, 2010