அருள்மிகு வடிவாம்பிகை உடனுறை சந்திரசேகரர்

மரம்: வில்வம்
குளம்: சந்திர, பிரம தீர்த்தங்கள்

பதிகம்: கறையணிமா -3 -60 திருஞானசம்பந்தர்

முகவரி: திருவக்கரை அஞ்சல்
வானூர் வட்டம்
விழுப்புரம் மாவட்டம், 604304
தொபே. 0413 2688949

வக்கராசுரன் வழிபட்ட காரணத்தால் இப்பெயர்பெற்றது, தொண்டைநாட்டுத்தலங்களுள் ஒன்று. புதுச்சேரி தொடர்வண்டி நிலையத்திலிருந்து 20 கி.மீ. தூரத்திலுள்ள வானூர் சென்று மேற்கே திண்டிவனம் செல்லும் பெருவழியில் 5 கி.மீ. தூரம் சென்றால் இப்பதியை அடையலாம். திண்டிவனம், பாண்டிச்சேரியிலிருந்து செல்லப் பேருந்து வசதி உள்ளது. இங்கு இறைவன் மூன்றுமுகத்தோடு விளங்குகின்றான். பெரியபிராகாரத்தில் திருமால் கோயில் இருக்கிறது. இறைவரின் திருப்பெயர் சந்திரசேகரர்.

இறைவியின் திருப்பெயர் வடிவாம்பிகை. வக்கரைஆலயத்தில் விளங்கும் காளி சந்நிதி மிக்க சிறப்புடையது.