தலம்:
சோழநாட்டில் காவிரியின் வடகரையில் விளங்கும் 12ஆவது தேவாரத்தலம். நாகைமாவட்டம் சீகாழி வட்டத்தில் உள்ளது. பூம்புகாருக்கு வடமேற்கில் திருவெண்காட்டுக்கு மேற்கே 2 கி.மீ தூரத்தில் உள்ளது. திருவெண்காடுவரை பேருந்து வசதிஉள்ளது. விருத்திராசுரனைக் கொன்ற பழி நீங்கத் தேவேந்திரன் பூசித்துத் தேவலோக ஆட்சியை மீண்டும் பெற்றதலம். இதனை `இமையோர் பெருமான் நுண்ணறிவால் வழிபாடுசெய்யும்` என இத்தலப்பதிகம் நான்காம் பாடல் தெரிவிக்கின்றது. நண்டு பூசித்த விநாயகர் சந்நிதி இருக்கிறது. சுவாமி பெயர் ஆரணியசுந்தரர்; இறைவி பெயர் அகிலாண்டநாயகி. தீர்த்தம் காவிரி.

இத்தலத்தைப்பற்றிக் கல்வெட்டு ஒன்றும் இருப்பதாக அறியக் கூடவில்லை.