`இவ்வாறு எழுந்தருளி வந்த கருணைப் பெருக் கின் திறத்தை எடுத்துச் சொல்லுவதற்கு அறியேன். நும் பெருங் கருணை என்றும் வாழ்வதாகுக. எளியேன் பொருட்டு இவ்வாறு எழுந்தருளிவந்த அம்மையப்பராகிய திருக்கோலம் என்னால் என்றும் அயர்த்தலின்றி வழிபடுதற்குரியதாம். விரைவாக எழுந்தருளி அடியேனை வழிவழி அடியனாக அடிமை கொண்ட பெருமானே! உன்னை என்றும் வணங்குகின்றேன். அளவற்ற பேரானந்த வெள் ளத்தை அடியேனுக்கு வழங்கியருளிய பெருமானே! நின்னை வணங் குகின்றேன். தில்லைப் பெருவெளியில் என்றும் கூத்தியற்றுகின்ற பெருமானே! நின்னை வணங்குகின்றேன்`` என்று பலவாறாகப் போற்றி வணங்கினார்.

வாழிய என்பதன் ஈற்று அகரம் கெட்டு நின்றது. வல்லை - விரைவாக.