அறியாமை உடைய நெஞ்சமே! அரிய நான் மறைகளாய் உள்ளவனும், அன்னமயகோசம் முதலிய ஐங்கோசங்களாகப் பேசப்பட்டவனும், தேவர்கள் வேண்ட நஞ்சுண்டவனும், அதனாற்கறுத்த கண்டத்தினானுமாகிய பெருமான் உறைகின்ற கடம்பந்துறையை விதிமுறைப்படி நினைப்பாயாக.

அரிய - உணர்தற்கருமையான. நான்மறை - இருக்கு, யசுர், சாமம், அதர்வணம், ஆறங்கம் - சிகை?ஷ, நிருத்தம், கல்பம், வியாகரணம், சந்தோவிசிதம், சோதிடம். ஐந்து புரியன் - அன்னம், பிராணன், மனம், விஞ்ஞானம், ஆனந்தம் என்னும் ஐங்கோசங்களாக எண்ணப்படுபவன். இவை உயிர்க்கு இடமாகலின் புரி எனப்பட்டன. மட நெஞ்சமே ! - இந்நாள்வரை அறியாதிருந்த மனமே ! கடம்பந் துறையை உரியவாறு நினை என்க.