திருமுறை 5 - பதிகம் 100 - பன்னிரு திருமுறை பாட்டும் பொருளும்

ஐந்தாம் திருமுறை
100 பதிகங்கள், 1015 பாடல்கள், 76 கோயில்கள்

018 திருக்கடம்பந்துறை


			பாடல் : 1 2 3 4 5 6 7 8 9 10

இப்பதிகப் பாடல்களை ஒரே பக்கமாகக் காணச் சொடுக்குக
பாடல் எண் : 1

முற்றிலாமுலை யாளிவ ளாகிலும்
அற்றந் தீர்க்கு மறிவில ளாகிலும்
கற்றைச் செஞ்சடை யான்கடம் பந்துறைப்
பெற்றம் ஊர்தியென் றாளெங்கள் பேதையே.

× 5018001பதிக வரலாறு :

அப்பர் பெருமான் திருப்பழையாறையில் முதல்வனைத் தொழுது போற்றி இன்புற்றபின் காவிரியின் இரு கரையிலும் உள்ள பல தலங்களுள் புக்கு இறைஞ்சித் திருப்பதிகம் பாடினார் . அத்திருப்பதிகங்களுள் இதுவும் ஒன்று . தி .12 திருநாவுக்கரசு நாயனார் புராணம் 301 ஆம் செய்யுள் காண்க .

இக்கோயிலின் படம்

இக்கோயிலின் காணொலி

காணொலித் தொகுப்பை அன்பளிப்பாகத் தந்தவர்கள்

இராம்சி நாட்டுபுறப் பாடல் ஆய்வு மையம்,

51/23, பாண்டிய வேளாளர் தெரு, மதுரை 625 001.
0425 2333535, 5370535.
தேவாரத் தலங்களுக்கு இக் காணொலிக் காட்சிகள் குறுந்தட்டாக விற்பனைக்கு உண்டு.

பொழிப்புரை:

எங்கள் பேதையாகிய இவள் முற்றாத இளமுலை உடையாள் ஆயினும், அற்றந் தீர்க்கும் அறிவில்லாதவள் ஆயினும், கற்றைச் செஞ்சடையானாகிய கடம்பந்துறைப் பெருமான் இவர்ந்து வரும் ஊர்தி இடபம் என்று கூறுகின்றாள். (செவிலி கூற்று)

குறிப்புரை:

முற்றிலா - முழுதும் எழாத ; இளைய. எங்கள் பேதை இவள் - பேதைப்பருவம் உள்ள எங்கள் மகள். அற்றம் தீர்க்கும் அறிவு - தலைவன் துன்பத்தைப் போக்கும் காம உணர்வு. அற்றம் - துன்பம். முற்றிலா முலையாள், அறிவிலள் என்றது இளையள், பேதை, காமஞ்சாலாதவள் என்றபடி. ஆகிலும் - அங்ஙனமிருந்தாலும். கற்றைச் செஞ்சடை - அடர்ந்த செஞ்சடைக் கற்றை. ஊர்திபெற்றம் - வாகனம் எருது. கடம்பந்துறைக் கற்றைச் செஞ்சடையான் ஊர்திபெற்றம் என மாறுக. என்றாள் - காமஞ்சாலா இளையோளாய எமது மகள் இறைவனைக் கண்டு காதலித்து அவன்றன் அடையாளம் கூறத் தொடங்கிவிட்டாள் என்பதாம். உலாப்புறம் போந்த முதல்வனைக் கண்ட பேதைப் பருவப் பெண் அவன்றன் திருவுருவில் உளங்கொடுத்தாள் என்க.

பிற மொழிகளில் பாடலைப் புரிந்து கொள்ள / Translations:

తెలుగు / தெலுங்க

18. తిరుక్కడంబన్తుఱై

కడంబర్‌ కోయిలని నేడు పిలువబడుతున్న ఈ క్షేత్రం తిరుచ్చిరాపళ్ళి జిల్లా కుళిత్తలై రైల్వేస్టేషన్‌ నుంచి ఉత్తర వాయవ్యదిశలో 2.కి.మీ.ల దూరంలో ఉంది.
స్వామి కడంబనేచ్చురర్‌
దేవేరి ముట్రిలాములైయార్‌.
బేల అయిన ఈమె ముదురు గాంచని లేత చనులు కలదైనా, దుఃఖాన్ని తొలగించే తెలివి లేనిదైనా, దట్టమైన కెంజడలున్న కడంబందుఱైను పరమశివుని వృషభవాహనమని ధ్వనిని గుర్తించి ముందే చెప్పగలదు. (బేల- చిన్నది, కామమెరుగనిదని చెలికత్తె మాటలు) 1

అనువాదం: డాక్టర్ గాలి గుణశేఖర్, తిరుపతి, 2024